Sos agetivos numerales

Sos numerales sunt cuddos agetivos chi serbint a nos dare pretzisas indicatziones subra sa cantidade de sos numenes a sos cales faghent riferimentu.

a segunda de s'informatzione chi nos dant benint isseberados in duas categorias: cardinales e ordinales.

Cardinales

Sos agetivos cardinales serbint pro inditare in manera pretzisa e assoluta sa cantidade numerica de calesisiat cosa persona o animale.

Esempros:

Duos carros, tres pinnas,batoro domos.

Faghent riferimentu a totu sos numeros chi sunt infinidos e sunt sos cancaros de onzi numeratzione.

Sos numerales cardinales prus impurtantes sunt custos

unu
duos-duas
tres
batoro
chimbe
ses
sete
oto
noe
deghe
undighi
doighi
treighi
batordighi
bindighi
seighi
deghesete
degheoto
deghenoe
binti
bintunu
bintiduos-bintuduas
bintitres
trinta
trintunu
trintaduos
trintatres
baranta
barantunu
barantaduos-duas
chinbanta
chinbantunu
chinbantaduos-duas
sessanta
setanta
otanta
nonanta
chentu
chentu e unu
chentu e duos-duas
chentu e tres
chentu e deghe
chentubinti
duchentos
duchentos e unu
duchentos e duos-duas
duchentosbinti
trechentos
batorchentos
chinbichentos
milli
milli e unu
milli e duos-duas
milli e binti
milli e trinta
mille e centu
milli e chentu e unu
milli e chentu e deghe
duamiza
duamiza e unu

Non serbit a nudda de bos los elencare totu azis cumpresu comente si cumponent sos numeros cumpostos da duas o prus cifras cando si iscrient in paraulas.