Sos agetivos e pronumenes indefinidos

Sos agetivos indefinidos si ligant a su numene de una persona o de un'animale o de una cosa cando si nde cheret mustrare una cantidade o una calidade a prus o mancu. Paritzos sunt solu agetivos ,ateros sunt agetivos e pronumenes, ateros sunt solu pronumenes.

Esempros de solos agetivos:

Onzi omine at su balore suo.

Carchi arbure perdet sas fozas in Ijerru, ma su Elige aguantat totu s'annu birde.

Calesisiat pedra andat bene a fagher muros a sicu, si depet solu isperiare sa cara.

Esempros de pronumenes e agetivos:

Ateretantos frores che sunt de collire.

Innoghe ch'at una deghina de libros e ateretantos bi nd'at in cue.

Non apo prus mancunu paiu de cartzones. Cheret chi mi los compore.

Cue gia bi sunt unas tantas cadreas ma innoghe non che nd'at mancuna.

Paritzas ampullas de binu gia las bato deo e paritzas las batis tue.

Esempros de solos pronumenes:

Calecunu at a bennet cras manzanu a iscapare sa robba. Ajo chi como nois nos nde andamus.

Bodale mi at nadu chi cras sero non bi benis a sa festa. E proite nono?

Cosa fist fatende deris sero chi non ti ses bidu pro nudda?