Sos agetivos e pronumenes de mustra

Si nois amus de mustrare una cosa, chi l'acumpanzemus o no, cun una movida de mermu,amus una chedda de paraulas chi nos serbint a su bisonzu, issas sunt custas: e si podent impreare a su postu de sos articulos ma mai impare.

Custu, Cussu, Cuddu

Custa, Cussa, Cudda.

Custos, Cussos, Cuddos.

Custas, Cussas, Cuddas.

Cando amus de inditare carchicosa o calecunu acurtzu a nois in su tempus e in su spatziu amus de impitare custos agetivos o pronumenes:

CUSTU, CUSTA, CUSTOS, CUSTAS

Cando amus de inditare carchicosa o calecunu atesu da nois ma acurtzu a carchiateru amus de impitare custos agetivos o pronumenes:

CUSSU, CUSSA, CUSSOS, CUSSAS

Cando amus de inditare carchicosa o calecunu atesu da nois e da atere amus de impitare custos agetivos o pronumenes:

CUDDU, CUDDA, CUDDOS, CUDDAS

Esempros:

Custu libru chi so legende mi praghet meda.

Custa pratza est prena de gente, sunt bennidos totu a innoghe pro bider unu cantante famadu.

Custos montigros sunt prenos de mudegru, in su mese de Maju cando est froridu depet esser totu arbu.

Custas figurinas chi apo eo sunt prus bellas de sas tuas

Cussu est su libru chi ti at dadu sa mastra? A mi lu faghes a bider?

Cussa libru chi giughes in manu est de su matessi iscritore de custu, o nono?

Cussos sunt sos benes chi nos at lassadu tzia giuanna?

Cussas giannas chi m'as fatu no serrant depes bennere a mi las limare carchi pagu.

Cuddu traballiu chi mi depias fagher faghere...! Ismentigadu ti nde ses?

Depes tentare custu fiotu de sa robba e cuddu. Sunt totu de sa gama nostra.

Cudda semida no l'apo sighida fintzas a sa fine. Si che perdiat in su litu e apo timidu a b'intrare.

Cuddos istranzos chi depiant benner non sunt bennidos prus. Torrada a pensare si l'ant?

Arribamus a cuddas domos e poi torramus insegus.Che semus gia tropu a largu da su centru de sa bidda.

Cuddas mastras de tando si, chi ischiant imparare. Como non mi parent gai preparadas.