Sos agetivos numerales ordinales

Pro fagher su numeru ordinale in sardu si leat su matessi numeru cardinale e li si ponet inanti s'articolu (SU o SA) e sa prepositzione (DE)

su de una - sa de unu
su de duos- sa de duas
su de deche-sa de deche
su de chentu- sa de chentu
su de chentu e unu- sa de chentu e una

Esempros:

Custa est sa de tres bortas chi ti cramo: ma no intendes no?

A tziu Carboni est sa de chimbe bias chi li isrobbant sa domo. Aposta bi lu sunt fatende pro li fagher tancare butega.

E ite innoramala! Semper cando che so in sa de chentubinti mi trobollio e perdo su contu. Como cheret chi bi torre da bellu nou.