Sos possessivos

Sos agetivos e sos pronumenes possessivos chi amus in Sardu sunt custos:

miu, tuo, suo, nostru , bostru,issoro
mia, tua, sua,nostra, bostra, issoro
mios, tuos, suos, nostros, bostros, issoro
mias, tuas, suas, nostras , bostras, issoro

In s'impreu de sa frase s'agetivu possessivu benit postu semper da poi de su numene e s'acordat semper cun su genere suo

Esempros:

Su tanchitu miu est in una badde soliana,

Sa domo mia est fora bidda e at unu bellu giardinu addainanti,

Totu custu dominariu est robba issoro.

Depimus narrer chi s'agetivu sighit semper su numene, mentres su pronumene, nde faghet a mancu. sos pronumenes sunt semper acumpanzados da s'articulu determinativu S'articulu non si ponet si faeddamus de gente de famillia, francu: issoro

Esempros:

Su caddu murtinu miu curret prus de su tuo. Deris l'at dadu chimbanta metros e chi fit curtza sa pista...

Su mere tuo est su miu matessi

Sas rosas de su giardinu nostru non sunt bellas che sas issoro

Bellos sos ogros suos non sunt che sos mios chi parent de craba

Sas bighinas bostras non sunt una penitentzia che sas nostras.

Babbu miu e su tuo sunt bessidos impare

Ma est menzus de narrer, impitende duos agetivos chena s'articulu determinativu.

babbu miu e babbu tuo sunt bessidos impare