Sos articulos

S'articulu no est ateru che su acumpanzadore de su numene. No at perunu sinnificadu propriu ma serbit solu comente bachiddu a su numene e nde sighit su genere. Andat postu semper prima de su numene. Cando s'acumpanzat a ateras paraulas chi non sunt numenes, ma verbos, agetivos o avverbios dat a custos sa funtzione de numene.

sos articolos determinativos sunt:

SU,SA,SOS,SAS

SU=mascru singulare, SA=femina singulare,SOS mascru prurale,SAS femina prurale.

In sa bariantes campidanesas de sas faeddadas sardas s'agatat s'articulu neutru

IS

chi s'accumpanzat a numenes de genere prurale siat mascru che femina.

Sos articolos indeterminativos sunt duos,

UNU e UNA

mascru e femina non podent aer unu prurale accumpanzant numenes de categorias cando nde chirriamus unu singulu apartenente. Siat

unu che una

si podent apostrofare addaenanti de una vocale.

Esempros:

Su sardu est una lingua riconnota dae su istadu Italianu comente una lingua regionale

Sa limba chi eo faeddo est su sardu logudoresu

Sos sardos faeddant in onzi biddighedda una faeddada issoro diversa dae sas ateras biddas

Sas faeddadas sardas de sas biddas sunt totu diversas ma non las seberat peruna lacana

Is campidanesos istant in su cabu de giosso de sa Sardigna

Is bacas iscanesas ant sos corros longos

Unu istandard de sa limba sarda bi cheret pro aer una iscritura cabale in s'amministratzione.
Una limba chena istandard est prus acurtzu a su faeddu de sa gente ma sos sonos de sas faeddadas est dificile a los sighire totu cun sa grafia