Sos pronumenes de complementu forma debbile
Sas formas debbiles de sos pronumenes personales de complementu s'impitant in funtzione de complementu deretu e fintzas in funtzione de complemntu de termine cando custu non est antitzipadu da sa prepositzione (a)
in Sardu sas formas debbiles de sos pronumenes personales de complementu de regla andant addainanti de sos verbos, francu cun su gerundiu e s'imperativu.
Custas sunt sas formas debbiles de sos pronumenes personales de complementu:
mi
ti
lu, la,li-bi,si
nos
bos
los,las,lis,si
Esempros:
mi
MI so istadu chietu-chietu e a coa-bassa m'apo pijadu sos trastis e mi nde so andadu a m'intanare.
MI chi non ti bidant in cue sos meres cando torrant a domo issoro.
MI cheriant matzucare si non cuito a fuire mi passant in chiliru.
Torrende-MI a chircare già apo a bider eo ite lis risponder.
A mi torrare a faghere chensia bi cheriat coragiu de abberu pustis chi los apo ajuados.
Ti
TI naro caru Mario, chi de totu custas chistiones de ti nde depias interessare: gia ti nd'as a impudare unu in cras.
TI cheria narrer si bi benis istanote in discoteca. Ajoe chi nos faghimus in burvara.
Andende-ti bene as in manu ambos duos cabos de su filu. Muntende-ti-los istrintos non ti fuant.
A lu cherides ischire su chi sunt fatende sos dischentes bostros? Anda-te-bi tando.
A la lassare stare siat sa bienda.
A li narrer de si nde andare non benit bene, ma issos si nde depent abbizare chi non che los cherimus prus.
Cherfende-li narrer cosa meda apo finidu de non li narrer nudda. Peus pro a mie.
Ghetende-si lestru a terra a su primu sinnale malu si at mantesu sa bida.
Anda-bi tue como!
A nois nos ant nadu chi depiamus bennere a bos abbojare, e semus bennidos.
Bos l'amus a narrer sa die matessi su chi cherimus chi fatedas.
Mantesos bos los azis sos tramunos?
Las ischides totu sas trassas, non semus a como a lu ischire, ma stade-bi atentos...
Lis amus nadu chi non fit de abberu su chi fint pessende de a nois. Nois semus semper istados chietos in su logu nostru.
Si bos nde cherides abbizare... sas trassas chi ant cherfidu bogare a campu pro nos faghere abbarrare in domo issoro.