Sos pronumenes pro preguntare

Sos pronumenes de pregunta nos serbint a preguntare a calecunu de carchi cosa o de calecunu. Pro esser prus pretzisos, serbint de crae a sa pregunta. in Sardu sun custos:

chie, cale, cantu, ite

Esempros

A chie fizis cramende? Sa boghe bostra s'intendiat pro totu sa carrera.

Cale est su meu? Innoghe nde so bidende tres o batoro.

A cale lu do custu caisteddu? Che at tres feminas isetende.

Cantu ti depo?

It'est chi ses nende? Non ti si cumprendet nudda cando faeddas pisi-pisi.